Azərbaycanın ərazi bütövlüyünün müdafiəsi ilə əlaqədar yaralananların və həlak olanların ailələrinin təminatına dəstək məqsədi ilə “YAŞAT” fondu yaradılıb.
Bu barədə İlham Əliyevin dekabrın 8-də imzaladığı fərmanda deyilir.
Fondun vəsaitindən hansı stiqamətlərdə istifadə olunacaq:
- şəhid ailəsi statusu alana və ya əlilliyi müəyyən edilənədək götürülən istehlak kreditlərinin və digər borc öhdəliklərinin qarşılanması;
- müalicə və psixoloji dəstək xərclərinin ödənilməsi;
- təhsil almasına, habelə əlavə təhsilinə, peşə hazırlığının artırılmasına, eləcə də yaradıcı potensialının inkişafına kömək edilməsi ilə bağlı xərclərin ödənilməsi;
- məişət şəraitinin yaxşılaşdırılması;
Fondun vəsaiti necə formalaşacaq:
- Azərbaycan vətəndaşlarının;
- xarici ölkələrdə yaşayan azərbaycanlıların;
- digər fiziki və hüquqi şəxslərin könüllü olaraq maliyyə vəsaiti şəklində verdiyi ianələr;
- habelə qanunla qadağan olunmayan digər mənbələr hesabına.
Fondun vəsaitinə nəzarəti formalaşdırılmasına və idarə olunmasına ümumi nəzarəti Himayəçilik Şurası həyata keçirəcək.
Himayəçilik Şurasının tərkibində kimlər var:
- Çingiz Abdullayev
- Sevinc Alızadə
- Novruzəli Aslanov
- Məsud Aşina
- Mənsum İbrahimov
- Anar İsgəndərov
- Balakişi Qasımov
- Cahangir novruzov
- Şair Ramaldanov
- Rəna Səfərəliyeva
- İlham Zəkiyev
Nə baş verib: Sentyabrın 27-də Azərbaycan və Ermənistan arasında müharibə başladı və noyabrın 10-da üçtərəfıi bəyanatla sona çatdı.Rəsmi açıqlamaya görə, 44 günlük müharibədə Azərbaycanın 2783 hərbi qulluqçusu həlak olub, 100 nəfərdən artıq hərbçi itkin düşüb, 1245 nəfərin müalicəsi davam edir.
