Rusiyanın Baytarlıq və Fitosanitar Nəzarəti üzrə Federal Xidməti (“Rosselxoznadzor”) dekabrın 10-dan ölkəyə Azərbaycan mənşəli pomidor və alma idxalını qadağan edib. Qurumun yaydığı məlumatda bu qərar zərərvericilərin gətirilməsinin və yayılmasının qarşısını almağın vacibliyi ilə izah edilir.
Qurum Avrasiya İqtisadi Birliyi üzvləri üçün Rusiyaya tədarük olunan məhsullarda karantin obyektlərinin aşkarlanması ilə bağlı dəfələrlə Azərbaycan Qida Təhlükəsizliyi Agentliyinə məlumat verdiyini bildirir.
Təkcə oktyabrın 22-dən bu günə qədər pomidor güvəsi və şərq güvəsi – meyvə və tərəvəz məhsullarında aşkarlanan 17 hadisə qeydə alınıb”
məlumatda deyilir.
Bununla əlaqədar olaraq, fitosanitar vəziyyətin qorunması, Rusiya ərazisinə həmin zərərvericilərin idxalının və yayılmasının qarşısının alınması məqsədi ilə “Rosselxoznadzor” qadağa tətbiq etməyə məcbur olub.
Qurum qadağanın müvəqqəti xarakter daşıdığını da bildirib.
