1948-ci il dekabrın 10-da BMT Baş Assambleyası “İnsan hüquqları haqqında ümumi bəyannamə” qəbul edib. 1950-ci ildən başlayaraq hər il dekabrın 10-u bütün dünyada Beynəlxalq İnsan Hüquqları günü kimi qeyd olunur.
İnsan hüquqları təbii və dərrakədən irəli gələn subyektiv hüquqları təsvir edir. Bu konsepsiyaya görə, hər bir insan irqindən, cinsindən, dilindən, dinindən, siyasi baxışlarından və sosial mənşəyindən asılı olmayaraq bərabərdir.
1950-ci il noyabrın 4-də Romada əsas insan hüquq və azadlıqlarının qorunmasından ötrü Avropa İnsan Hüquqları Konvensiyası imzalanıb. Bu konvensiyaya əsaslanan Avropa İnsan Hüquqları Məhkəməsi (AİHM) fəaliyyət göstərir.
Azərbaycan bu məhkəməyə nə qədər şikayət olub?
Hər il Azərbaycandan bu məhkəməyə çoxsaylı şikayətlər daxil olur və bunun sayının ildən-ilə artdığı bildirilir. Hazırda Azərbaycan Avropa məhkəməsinə ən çox şikayət göndərən 10 ölkədən biridir. Siyahıda 6-cə yerdə qərarlaşan Azərbaycandan bu məhkəməyə 2019-cu ildə1950 şikayət göndərilib.
2020-ci ildə (dekabrın 10-a qədər olan müddət) AİHM Azərbaycana qarşı 37 qərar çıxarıb. Azərbaycan bu məhkəmə tərəfindən təxminən 639 650 avro ( 1milyon 315 356 manat) məbləğində cərimə olunub.
