Dekabrın 21-də 2021-ci il dövlət və icmal büdcənin layihələri Milli Məclisə təqdim olunub. Layihədə növbəti il təhsil, səhiyyə və sosial müdafiə və digər sahələrə ayrılacaq vəsaitin miqdarı əksini tapıb.
2021-ci il icmal büdcəsinin gəlirləri 23 828,1 mln. manat proqnozlaşdırılıb ki, bu da 2020-ci illə müqayisədə 6,6% çoxdur.
İcmal büdcənin xərcləri 31 163,4 mln. manat olacaq ki, bu da 2020-ci illə müqayisədə 2,8% çoxdur.
Sosialyönlü xərclər
2021-ci ildə sosialyönlü xərclər 11 111,9 mln. manat məbləğində nəızərdə tutulub. Bu, 2020-ci illə müqayisədə 5,3% çoxdur.
Müdafiə xərcləri
Müdafiə və milli təhlükəsizlik, məhkəmə hakimiyyəti, hüquq-mühafizə orqanlarının və prokurorluğun saxlanılmasına 4585,8 milyon manat ayrılacaq. Bu, 2020-ci illə müqayisədə 20,5% çoxdur.
İşğaldan azad olunmuş ərazilərin bərpasına ayrılacaq xərclər
2021-ci ilin dövlət büdcəsindən işğaldan azad olunmuş ərazilərin bərpası və yenidən qurulması məqsədilə 2,2 milyard manat ayrılacaq.
Ailə, Qadın və Uşaq Problemləri üzrə Dövlət Komitəsinə ayrılacaq xərc
Məişət zorakılığına, insan alverinə, erkən nikaha məruz qalmış şəxslər, sağlamlıq imkanları məhdud olan uşaqlar və onların ailə üzvləri ilə sosial, psixoloji və psixo-pedaqoji işin təşkili və bu qəbildən olan digər tədbirlərin maliyyə təminatı, həmçinin Komitə aparatının saxlanılması xərcləri üçün 1,5 milyon manat ayrılacaq.
Səhiyyə xərcləri
2021-ci ilin dövlət büdcəsindən səhiyyə xərcləri üçün 1409,0 milyon manat vəsait ayrılacaq.
Təhsil xərcləri
2021-ci ilin dövlət büdcəsində təhsil xərcləri üçün 3 milyard 277 milyon 655 min 549,0 manat ayrılacaq.
Ünvanlı dövlət sosial yardımının maliyyə təminatına ayrılacaq məbləğ
Gələn ilin dövlət büdcəsindən ünvanlı dövlət sosial yardımının maliyyə təminatı üçün 257,7 milyon manat ayrılacaq.
Bu, 2020-ci illə müqayisədə 5,0% çoxdur.
QHT Şurasının xərcləri
2021-ci ilin dövlət büdcəsindən Qeyri-Hökumət Təşkilatlarına Dövlət Dəstəyi Şurasına 6,3 milyon manat ayrılacaq.
“AZAL” və “Bakı Metropoliteni”-ə ayrılacaq məbləğ
2021-ci ilin dövlət büdcəsindən “Azərbaycan Hava Yolları” QSC üçün 10 milyon manat, “Bakı Metropoliteni” QSC üçün 39,2 milyon manat ayrılacaq.
Nəqliyyat və rabitə xərcləri
2021-ci ilin dövlət büdcəsindən nəqliyyat və rabitə xərcləri üçün 208,7 milyon manat ayrılacaq.
Keçmiş prezidentinin və onun ailə üzvlərinin təminatı xərcləri
Gələn ilin dövlət büdcəsindən Azərbaycanın keçmiş prezidentinin və onun ailə üzvlərinin təminatı xərcləri üçün 343,4 min manat vəsait ayrılacaq.