Avropanın və Yaxın Şərqin bir neçə ölkəsi koronavirusun mutasiya uğramış yeni növünün yayılması ilə əlaqədar Böyük Britaniyaya uçuşları qadağan edir.
İrlandiya, İtaliya, Avstriya, Belçika, Hollandiya, Küveyt və İsrail bənzər addımı atan ölkələrdəndi. Avropa Birliyi tövsiyələri müzakirə etmək üçün görüş keçirdiyi zaman digər ölkələr də uçuşlarla bağlı qadağanı nəzərdən keçirir.
Fransa bildirib ki, dekabrın 20-i axşamdan Britaniyadan ölkəyə girişi 48 saatlığa dayandırır.
Britaniyada dekabrın 20-də 36 minə yaxın koronavirusa yoluxma təsdiqlənib.
Ölkənin baş naziri Boris Conson koronavirusun mutasiya uğramış yeni növünün əvvəlki növlərdən 70% daha yoluxucu olduğunu bildirib.
Nə baş verib: Mutasiyaya uğramış növün sentyabrın ortasında İngiltərəni cənub-şərqində tapıldığı deyilir. Sonradan Londonda, İngiltərənin cənub-şərqi və şərqində virus dominant formaya çevrilib.