Körfəz Əməkdaşlıq Şurası ölkələri liderlərinin bu gün Səudiyyə Ərəbistanında Qətərlə birgə keçirdiyi sammitlə böhrana son qoyulub. Birgə imzalanan sənədlə Qətər qoyulan blokada aradan qaldırılıb.
Səudiyyə Ərəbistanı dekabrın 4-də Qətərlə su, hava və quru yolunu açacağını elan edib.
Aljazeera yazır ki, Səudiyyə Ərəbistanının liderlik etdiyi sammitdə ölkələr arasında birgə sənəd imzalanıb.
Kimlər iştirak edib: Qətər əmiri Tamim bin Hamad Əl Tani, Küveyt əmiri Navaf əl-Əhməd əs-Sabah, Səudiyyə Ərəbistanının vəliəhd şahzadəsi Məhəmməd bin Salman, Bəhreynin vəliəhd şahzadəsi Salman bin Xamad əl-Xəlifə, Birləşmiş Ərəb Əmirliklərinin vitse-prezidenti Məhəmməd bin Rəşid və Omanın Baş nazirinin müavini Fəhd bin Mahmud əl-Səid görüşdə iştirak edib və sənədi imzalayıblar.
Qətər niyə blokadada idi: Körfəz ölkələri ilə Qətər arasında 3 il yarımdır ki, diplomatik münasibnətlər və ticarət əlaqələri kəsilmişdi və sərhədlər bağlı idi. Qətər terror qruplaşmalarını dəstəkləməkdə və İranla yaxın əlaqələr qurmaqda ittiham edilirdi.
