Türkiyənin İstanbul şəhərində Kadıköy bələdiyyəsinin əməkdaşları fevralın 16-dan etibarən tətil elan edib. “Bu iş yerində tətil var” baneri ilə etiraza başlayan 2300 əməkdaş maaşlarının artırılmasını tələb edir. Onlar “haqqımızı alana qədər mübarizəyə davam” deyib.
Kadıköy bələdiyyə sədri işçilərə 38%- lik maaş artımı təklif etsə də onlar razılaşmayıb və bildirib ki, bu rəqəm reallığa uyğun deyil.
İşçilər tətildə olduğundan bələdiyyə ərazisindəki məhəllələrdə zibil qabları təmizlənmir və küçələr məişət tullantıları ilə dolub. Siyasi partiya rəsmiləri və universitet tələbələri işçilərə dəstək olub. Sosial şəbəkədə isə #KadıköydeGrevVar həştəqi ilə dəstək kampaniyası başlayıb.
“DİSK Genel İş” sindikatı və Bələdiyyə arasında imzalanan müqavilədə minimum işçi maaşı, bonuslar və illik sosial yardımlar istisna olmaqla aylıq 5 273 tl (təxminən 1284 AZN) təyin olunsa da işçilər bununla razılaşmır.
