NİDA Vətəndaş Hərəkatının fəalı Elmir Abbasov bir neçə gün öncə Sumqayıt Şəhər Baş Polis İdarəsi tərəfindən saxlanılıb. NİDA VH-nin bu barədə açıqlamasında bildirilir ki, fəalla bağlı bu gün məlumat əldə edilib.
Sumqayıt Şəhər Baş Polis İdarəsi fəalın həbsi ilə bağlı xəbəri Mikroskop-a təsdiqləsə də səbəbi barədə informasiya verilməyib.
E.Abbasovun vəkili Zibeydə Zəkəriyyəyeva bildirib ki, o, İnzibati Xətəlar Məcəlləsinin 206-cı maddəsi ilə təqsirli bilinib. “Qanunsuz olaraq narkotik vasitələrin, psixotrop maddələrin istehlakı, satış məqsədi olmadan şəxsi istehlak miqdarında hazırlanması, əldə edilməsi, saxlanılması, daşınması və ya göndərilməsi” maddəsinə əsasən fəal 30 sutka inzibati həbsə məhkum edilib.
