Bakıdakı bir neçə bazarda olub, Novruz bayramı üçün sakinlərin bazarlıq etməyə imkanının olub olmadığını soruşmuşuq. Həm satıcılar həm də alıcılar qiymətlərdən şikayətçidir. Foto reportyor Firi Səlimin Mikroskop Media üçün hazırladığı fotoreportajı təqdim edirik!
Millətin dərdini bilən lazımdır! Qiymətlər od kəlləsinə qalxıb. Bəs bunu Baş nazir görmür? Kimdir bu qiymətləri qaldıran?
Alıcı
Dolanırıq da. Zəifçilikdi. Camaat yox. 1 kq almaq əvəzinə, yarım kq alırlar. Bu virusdan sonra camaatın işsizliyi və s. təsir edir.
Satıcı
Fərq var. Keçən illə müqayisədə fərq var. Bizlik deyil. Şirkətlərdədir günah. Şirkətlər qaldırır qiyməti. Bu gün alırsan 10 qəpiyə səhəri gün olur 35 qəpiyə. Adını da qoyurlar ki, Rusiyaya gedir. Alıcı demək olar ki, yoxdur.
Satıcı
Əvvəlki illərlə müqayisədə çox bahadır. Meyvələr bahadır. Məsələn alma öz məhsulumuzdur. Amma maaşla müqayisədə çox baha satılır. Ən ucuz fındıq, ən ucuz qoz, 12-13 manatdır. Hətta 20 manata olanlar da var.
Alıcı
Camaatın vəziyyəti pisdir. Camaat 1 kq ala bilmir. Keçən il bundan ucuz idi. Camaatın gücü çatmır almağa. Pensiyalar azdır. 200 manat pensiya verilir. Bundan nə ala bilərsən? Bir dənə dərmanın puludur o.
Satıcı
Keçən ilə nisbətən bu il qiymətlərdə dəhşət artım var. Qiymətlərə nəzarət edən yox, camaatın vəziyyətini nəzərə alan yox, işsizlik. Mən işləmirəm. 8 aydır evdə oturmuşam. İş yoxdur. 2 toyuq almışam bir də ot quruları. Onlardı almışam ki, dəmləyib içəm. Vəssalam.
Alıcı
