11 mayda Rusiyanın Tatarıstan respublikasının paytaxtı Kazan şəhərində məktəblərin birində atışma olub. Nəticədə 9 nəfərin öldüyü bildirilir.
175 saylı məktəbdəki atışmada iki nəfərin atəş açdığı bildirilir. Bu məktəbdə mindən çox şagird təhsil alır.
Nə məlumdur: Bəzi məlumatlarda qeyd edilir ki, hücum edənlərdən biri saxlanılıb. Başqa bir mənbə isə hücum edənlərdən birini polisin öldürdüyü, birinin isə məktəbdə olduğu və bir neçə nəfəri girov götürdüyü xəbər verir.
Hazırda vəziyyət necədir: Hüquq-mühafizə orqanları hadisə yerindədir. Onlar müəllim və şagirdləri pəncərələrdən təxliyə edir.
