Bu gün bir qrup qazi Əmək və Əhalinin Sosial Müdafiə Nazirliyi qarşısında etiraz edib.
Etiraza səbəb qazilərin işlə təmin olunmamasıdır. Onların sözlərinə görə, ƏƏSMN-ə dəfələrlə müraciət etsələr də hələ ki işlə təmin olunmayıblar.
Şikayətçilər qurumun məsələyə etinasız yanaşmasından gileylənib.
Orxan Məmmədov deyir ki, müharibədən sonra iş üçün qurumlara müraciət etsə də, heç bir nəticəsi olmayıb:
Məşğulluq İdarəsinə yazılmışam.Sədrlərlə görüşsəm də heç bir faydası olmur. Söz verirlər ki, iş verəcəyik. Belə-belə neçə aydır işi uzadırlar
Nəsimi Dadaşlı deyir ki, 44 günlük müharibə bitəndən sonra onları uzun müddətdir süründürürlər:
Səlahiyyətli şəxslərdən bizi qəbul etmələrini istəyirik. Tələb edirik ki, süründürməçiliyə son qoyulsun. Nə vaxta kimi qaziyə qarşı belə hörmətsizlik olacaq?
Nə baş verib: 27 sentyabrdan 10 noyabra qədər Azərbaycan və Ermənistan arasında 44 gün davam edən 2-ci Qarabağ müharibəsi baş verib. 10 noyabrda Qarabağda hərbi əməliyyatların bitməsi və atəşkəs barədə Azərbaycan, Ermənistan və Rusiya liderləri birgə bəyanat imzalayıb.
