23 iyunda Rusiya prezidenti Vladimir Putin Beynəlxalq təhlükəsizlik üzrə IX Moskva konfransında video-müraciət edib.
Prezident dünyadakı geopolitik proseslər barədə danışıb. O bildirib ki, bəzi müsbət siqnallara baxmayaraq geosiyasi proseslərdəki qarışıqlıq artmaqdadır və beynəlxalq hüquqdakı aşınma davam edir:
Maraqlarını qorumaq üçün güc tətbiq etmək, öz təhlükəsizliyini başqalarının güvənliklərinin hesabına gücləndirmək cəhdləri davam edir.
Rusiya lideri həmçinin planetdə təhlükəsizliyin gücləndirilməsi və sivilizasiyanın davamlı inkişafının müasir hərbi-siyasi gündəmin ən vacib problemlərinin həllindən və ümumi çağırışlara effektiv, birgə cavabların tapılmasından asılı olduğunu qeyd edib.
Qarabağ barədə
V.Putin deyib ki, Rusiyanın tövhəsi nəticəsində Qarabağda münaqişə dayandırılıb:
Rus sülhməramlıları bölgədəki sülhə və təhlükəsizliyə etibarlı zəmanət verir, humanitar vəziyyətin yaxşılaşdırılması, ərazilərin minalardan təmizlənməsi və sosial infrastrukturun bərpası üçün işlər görülür.
Sülh və sabitliyin möhkəmləndirilməsi
O, Rusiyanın qitədə sülhün və sabitliyin möhkəmləndirilməsini daha da inkişaf etdirmək niyyətində olduğunu, qonşu ölkələrin təhlükəsizliyi və firavanlığı ilə bağlı məsuliyyətini heç vaxt unutmadığını söyləyib.
Rusiya, ayrılmaz tarixi, mədəni, humanitar əlaqələrlə bir araya gəldiyi qonşu ölkələrin təhlükəsizliyi və rifahı üçün öz üzərinə düşən məsuliyyəti heç vaxt unutmur.
Rusiya-Suriya münasibətləri
Prezident bildirib ki, Rusiyanın hərbi yardımı sayəsində Suriya ərazilərinin böyük hissəsi beynəlxalq terrorçulardan azad edilib, Suriyanın süuqtunun qarşısı alınıb.
