Ermənistan Türkiyədən mal idxalına qoyulan qadağanı uzadıb. Hökumət iclasında deyildiyi kimi qadağa barədə İqtisadiyyat naziri Vahan Kerobya danışıb.
Kerobyan 2021-ci il yanvarın 1-də qüvvəyə minən və 1 iyulda bitəcək embarqonun yenidən 6 ay daha uzadıldığını qeyd edib. Ermənistan hakimiyyəti Avrasiya İttifaqının tələblərini yerinə yetirmək üçün bu qədər qısa müddətə qadağa qoyur.
Qanun nə deyir: Xüsusilə, “Avrasiya İqtisadi Birliyi haqqında” Müqavilənin 7-ci əlavəsinin 54-cü bəndinə görə, bir ölkə, digərləri ilə razılaşdırılmadan, üçüncü ölkələrdən 6 aydan çox müddətə idxalı qadağan edə bilməz.
Ermənistan İqtisadiyyat nazirliyi nə deyir: Nazirlikdən Türkiyədən idxalın təxminən 70% azaldığını və hazırda əsasən xammal və ara mallardan – inşaat materiallarından, trikotaj parçalardan, həmçinin dəri ( ayaqqabı istehsalı) idxal edildiyi bildirilib. Demək olar ki, Türkiyədən hazır məhsullar gətirilmədiyi qeyd olunub.
Nə baş verib: Embarqo, 2020-ci ilin oktyabrında Türkiyə Qarabağ münaqişəsində Azərbaycanı açıq şəkildə dəstəklədikdən və Bakıya geniş miqyaslı hərbi dəstək verdikdən sonra tətbiq olunub. Bundan əvvəl, Ermənistan Türkiyədən ildə 250-270 milyon dollar dəyərində mal idxal edirdi.
