29 iyunda Müdafiə Nazirliyinin qarşısında bir qrup medal verilməyən İkinci Qarabağ müharibəsi iştirakçısı etiraz edib.
Etiraz iştirakçıları deyir ki, əlavə heç nə istəmirlər sadəcə haqqlarını tələb edirlər. Onların sözlərinə görə, medala görə dəfələrlə Müdafiə Nazirliyinə və Silahlı Qüvvələrin Təlim və Tədris Mərkəzinə (TTM) müraciət etsələr də onlara heç bir məlumat verilmir.
4 rayonda – Füzuli, Xocavənd, Cəbrayıl, Şuşada olmuşam. Mənə hələ ki, bir medal da verməyiblər. Artıq 2- ci partiyadır ki, medallar verilir. Amma deyilir ki, bizə 3-cü siyahıda veriləcək. Bu gün medalları verməyənlər, sabah bizə veteranlıq da verməyəcəklər.
Müharibə iştirakçıları medal üçün hərbi hissə tərəfindən onlar barədə məlumatların göndərildiyini, lakin təltif olunanlar siyahısında adlarının olmadığını deyir.
Etirazçılar süründürməçilikdən gileylənirlər. Onlar qurumların məsələyə etinasız yanaşdığını deyir.
Bakıda xidmət edən, döyüş üzü görməyənlərə medal verilir. 6 aydır ki, döyüşdən gəlmişik bizə heç kim hörmət qoymur. Müalicəmizi belə etmədilər. Mən öz cibimdəm müalicə olunmuşam nəyə görə?
digər müharibə iştirakçısı.
“Prezident vətən, torpaq, ərazi bütövlüyü deyirdi. Getdik , aldıq, gəldik. İndi də haqqımızı tələb edirik. Sadəcə medallarımızın bizə verilməsini istəyirik. Medala görə yox, haqqımızın tapdalanmaması üçün bunu istəyirik”
Nicat Məmmədov deyir ki, Füzuli və Şuşa uğrunda gedən döyüşlərdə iştirak etsə də ona medal verilməyib. Aiddiyyatı qurumlardan isə ona səbr etməyi, gözləməyi məsləhət görüb.
Nə baş verib: 24 iyunda İlham Əliyev 10 minlərlə Qarabağ müharibəsi iştirakçısını medalla təltif edib. Bu medallar ümumilikdə 10 şəhər və rayonun işğaldan azad edilməsində görə verilib.
