Haiti prezidenti Jovenel Moiz evində güllələnərək qətlə yetirilib. The Guardian yazır ki, bu barədə məlumatı ölkənin müvəqqəti Baş naziri Cozef Klod təsdiqləyib. Yerli radio kanalına açıqlamasında bildirib ki, silahlı dəstənin hücumu zamanı prezidentin həyat yoldaşı da ağır yaralanıb.
53 yaşlı prezidenti qətlə yetirən dəstənin arasında xarici vətəndaşların olduğu və yayılna videolarda onların ispanca danışdığı bildirilir.
İyulun 6-dan 7-ə keçən gecə, saat 01:00 radələrində isoanca danışan şıxslər də daxil olmaqla bir qrup naməlum şəxs prezident iqamətgahına daxil olub və dövlət başçısını ölümcül yaralayıb.
Cozef Klod açıqlamasında deyib.
Baş verən hadisəni qınayan müvəqqəti Baş nazir əlavə edib ki, ölkədə təhlükəsizlik vəziyyəti sabitdir. O, Haiti əhalisini sakit olmağa çağırıb.
Haitinin Vaşinqtondakı səfiri Bokhit Edmond deyib ki, silahlı dəstə özünü ABŞ Narkotiklərlə Mübarizə İdarəsinin (DEA) üzvləri kimi təqdim edib. Ətrafdakı insalara bunun DEA tərəfindən keçirilən əməliyyat olduğunu bildiriblər.
Sui-qəsdin Haitidə onsuz da uzun illərdir davam edən siyasi iğtişaş və zorakılığı artıracağı ehtimal edilir.
Moizin prezidentliyi necə keçib: Mərhum prezidentin hakimiyyət olduğu dövr ölkədə siyasi qeyr-sabitliyin artması və korrupsiya iddiaları müşaiyət olunub.
