Ermənistanın Baş naziri Nikol Paşinyan bu gün Rusiya prezidenti Vladimir Putinlə görüşəcək. Bu, Paşinyanın növbədənkənar palrmanent seçkisində qələbə qazandıqdan sonra baş tutan ilk səfəridir.
Sputnik yazır ki, iki ölkə lideri regional kommunikasiyaların açılmasını müzakirə edəcək. Həmçinin iclasda Rusiya, Ermənistan və Azərbaycan liderlərinin 9 noyabr 2020-ci il və bu il 11 yanvarda Qarabağdakı nizamlama ilə bağlı bəyanatlarının icrasına baxılması planlaşdırılır.
Putin və Paşinyanın Ermənistan və Azərbaycan sərhəddindəki gərginlik, xüsusən də Sünikvə Geqarkunikdəki vəziyyəti də müzakirə edəcəyi bildirilir.
Son səfər nə vaxt olub: Paşinyan sonuncu dəfə 3 ay əvvəl, aprelin 7-də Rusiyada səfərdə olub.
Nə baş verib: İyunun 20-də Ermənistanda keçirilən növbədənkənar Parlament seçkilərində Baş nazir Nikol Paşinyan qalib gəlib.