Fransada mühacir həyatı yaşayan ictimai fəal Elnur Məcidli Azərbaycana qayıdıb. O, prezidentə müraciət etdikdən sonra müsbət cavab aldığını bildirib. İlham Əliyevə təşəkkür edən ictimai fəal deyib ki, ölkəyə qısa müddətli gəlib.
Etdiyim müraciəti qarşılıqsız qoymayan və müsbət rəy bildirən ölkə prezidenti cənab Ilham Aliyev başda olmaqla, mənim Azərbaycana gəlmə prosesində vasitəçilik və kömək edən hər bir dosta, bu işlə məşğul olan, vəzifəsindən asılı olmayaraq hər bir dövlət məmuruna və bu işdə rol alan kəsə təşəkkür edir, öz minnətdarlığımı bildirirəm!
Elnur Məcidli kimdir: İctimai fəal Azərbaycanda etiraz aksiyalarının təşkilatçısı kimi tanınır. O, “Facebook”da “11 mart – Böyük Xalq Günü” və “2 Aprel-Böyük Qəzəb Günü” aksiyalarının təşkilatçısı olub və barəsində cinayət işi başlanıb. Beynəlxalq axtarışa verilən fəal Cinayət məcəlləsinin 281-ci dövlət əleyhinə yönələn açıq çağırışlar maddəsi ilə ittiham edilib. 2011-ci ildə barəsində başlanmış cinayət işinin icraatı dayandırılıb.
