Oktyabrın 1-də Ermənistanın xarici işlər naziri Ararat Mirzoyan çexiyalı həmkarı Yakub Kulhaneklə keçirdiyi mətbuat konfransında Qarabağla bağlı fikirlər səsləndirib.
O deyib ki, Ermənistan ATƏT-in Minsk qrupu çərçivəsində Dağlıq Qarabağ üzrə danışıqlar prosesini bərpa etməyə hazırdır.
Çexiyanın mövqeyi – ATƏT-in Minsk Qrupunun həmsədrliyi çərçivəsində danışıqlar prosesinə, münaqişənin uzunmüddətli və stabil həlli axtarışına yardım göstərmək, Avropa Birliyinin mövqeyinə uyğundur. Ermənistan bunu yüksək qiymətləndirir.
Ararat Mirzoyan deyib.
A.Mirzoyan BMT Baş Assambleyası çərçivəsində 23-34 sentyabrda Nyu-Yorkda həmsədrlərlə və onların vasitəçiliyi ilə Azərbaycanın xarici işlər naziri Ceyhun Bayramovla ilə görüşlərin əhəmiyyətini qeyd edib.
Onun sözlərinə görə, bu görüşlər konfliktin dinc yolla, siyasi həllinin hələ gündəmdə olmasını təsdiqləyir.
Ermənistan Nyu-York görüşlərində də Qarabağ konfliktinin ATƏT MQ çərçivəsində, məlum prinsiplər və elementlər əsasında tənzimlənməsi prosesini bərpa etməyə hazır olduğunu təsdiqləyib.
Mirzoyan bildirib.
Nə baş verib: Sentyabrın 24-də ATƏT-in Minsk qrupu həmsədrlərinin vasitəçiliyi və iştirakı ilə Ermənistan və Azərbaycanın xarici işlər nazirləri görüşüb.
