“Sərhədsiz reportyorlar”(RSF) beynəlxalq mətbuat azadlığının müdafiəsi təşkilatı İlham Əliyevin Fransa televiziyasına müsahibəsində təşkilatın mövqeyini qərəzli hesab etməyinə münasibət bildirib. Təşkilatın baş katibi Kristof Deluar deyib ki, o, İlham Əliyevin tənqidlərini qəbul etmir:
Bu cür sözlər, Azərbaycanda demokratiyanın vəziyyəti ilə bağlı həqiqəti görməzlikdən gələn, neft pulları ilə satın alınan Avropanın bəzi millət vəkillərini və liderlərini aldada bilər.
RSF-in baş katibi Kristof Deloire bildirib..
Təşkilat onu qərəzli olmaqda və Azərbaycana qarşı ədalətsiz münasibət göstərməkdə ittiham edən prezidentə cavabında ölkənin “Dünya mətbuat azadlığı” reytinqindəi yerini xatırladıb. Bu siyahıda 180 ölkə arasında Azərbaycan 167-ci yeri tutur:
Beləliklə, RSF -in mövqeyi “qərəzlidir”? Bunun cavabı üçün Azərbaycanda jurnalistikanın faktiki vəziyyətinə baxmaq lazımdır. Aparıcı müstəqil xəbər saytlarına giriş bloklanıb, mühüm kütləvi informasiya vasitələrinin əksəriyyəti susmaq və ya xaricdə fəaliyyət göstərmək məcburiyyətində qalıb. Hələ də ölkə daxilində olan az sayda müstəqil jurnalist hər an həbs oluna bilər.
Təşkilatın bəyanatında Azərbaycan hökumətinin jurnalistləri və fəalları izləmək üçün NSO Grou şirkətinin istehsalı olan “Pegasus” izləmə proqramından istifadə etdiyi də vurğulanıb.
Nə baş verib: Sentyabrın 28-də Azərbaycan Respublikasının Prezidenti İlham Əliyev Fransanın dövlət televiziya kanalı olan “France-24”-ə müsahibə verib. Prezident sualları cavablandırarkən “Sərhədsiz Reportyorlar”ı Azərbaycana qarşı qərəzli olmaqda ittiham edib.
