Oktyabrın 25-də Ermənistanın Baş naziri Nikol Paşinyan parlamentdə növbəti ilin dövlət büdcəsi ilə bağlı dinləmələrdə iştirak edib.
O bildirib ki, 2022-ci ildə müdafiə sahəsinə 725 milyon dollar vəsait ayrılacaq. Bu məbləğ isə ötən illə müqayisədə 11% çoxdur.
Respublika yeni silah növləri almağa davam edəcək, Ermənistan sərhədlərinin mühafizəsi isə müntəzəm olaraq müqavilə əsasında həyata keçiriləcək.
Nikol Paşinyan
Baş nazir qeyd edib ki, Ermənistanda sərhəd xidməti gücləndiriləcək. Həmçinin əlavə edib ki, perspektivdə ölkənin sərhədlərinə ancaq sərhəd qoşunlarının yerləşdirilməsi nəzərdə tutulur.
N.Paşinyan onu da deyib ki, Azərbaycan qüvvələrinin Ermənistanın sərhəd ərazilərindən çıxarılması, həmçinin iki ölkə sərhədlərində demarkasiya və delimitasiya proseslərinin başlaması bunun üçün münbit şərait yaradacaq.
Nə baş verib: 2022-ci il üçün Ermənistan dövlət büdcə gəlirləri təxminən 4,1 milyard dollar təşkil edəcək. Bu ötən illə müqayisədə 17,5% çox deməkdir. Növbəti ildə dövlət xərcləri isə 4,6 milyard təşkil edəcək ki, bu da keçən illə müqayisədə 5,1% çoxdur.
