Çirkli pul vəsaitlərini leqallaşdırmaqda ittiham edilən Saleh Rüstəmli su qəbulunu da dayandıraraq quru aclığa başlayacağını bəyan edib.
Bu barədə onun vəkili Bəhruz Bayramov məlumat yayıb.
“8 noyabrda aclığın 3-cü günündə olan Saleh Rüstəmli 10-cu gündən etibarən sudan da imtina edərək quru aclığa başlayacağını bildirdi”- deyə Toplum TV-yə müsahibəsində vəkil bildirib.
Siyasi məhbus hesab edilən S. Rüstəmli 7 noyabrda Penitensiar Xidmətin Müalicə Müəssisəsinə köçürülüb.
Saleh Rüstəmli kimdir: AXC-Müsavat hakimiyyəti dövründə Gədəbəy rayonunun icra başçısı olan Saleh Rüstəmli 2018-ci il mayında narkotik ittihamıyla saxlanılıb. Sonra ittiham dəyişdirilib. O, pul yumaqda ittiham edilib. Bakı Ağır Cinayətlər Məhkəməsinin hökmü ilə 7 il 3 ay müddətinə azadlıqdan məhrum edilib.
