1 sentyabrda keçiriləcək növbədənkənar parlament seçkilərini müşahidə etmək üçün dəvət göndərilən beynəlxalq təşkilatların siyahısı açıqlanıb.
Siyahıda Avropa Şurası Parlament Assambleyasının (AŞPA) adı yoxdur.
Bu niyə vacib xəbərdir: AŞPA-nın dəvət edilməməsi artıq ikinci dəfədir ki, baş verir. Bundan əvvəl 7 fevralda Azərbaycanda keçirilən prezident seçkisində də bu qurum müşahidə üçün dəvət edilməyib.
- Hətta bu, Azərbaycanın AŞPA-dakı nümayəndə heyətinin təşkilatdakı iştirakının qeyri-müəyyən müddətə dayandırması ilə nəticələnib.
AŞPA-nın cavabı nə olub: AŞPA-dan bəzi deputatlar qurumun Azərbaycan hökuməti tərəfindən seçki müşahidəsinə dəvət edilməməsini “bütün əməkdaşlıq qaydalarının açıq şəkildə pozulması” kimi qiymətləndirib.
AŞPA və Azərbaycan münasibətləri nə yerdədir: AŞPA-da Azərbaycanın nümayəndə heyətinin etimadnaməsinin təsdiqlənməməsi barədə təklifdən sonra qurumla Azərbaycan arasında münasibətlər daha da gərginləşib.
- Təklifi AŞPA-nın qış sessiyasının açılış günü Almaniya nümayəndə heyətindən deputat Frank Schwabe verib.
- O, Azərbaycanda siyasi məhbusların olduğunu, 2023-cü ildə AŞPA həmməruzəçilərinin Azərbaycana səfərinin azı 3 dəfə baş tutmadığını və qurumun prezident seçkisinə dəvət edilməməsini əsas gətirərək Azərbaycanın nümayəndə heyətinin etimadnaməsinin təsdiqlənməməsini təklif edib.
- Nəticədə Azərbaycan nümayəndə heyəti Avropa Şurası Parlament Assambleyası ilə əməkdaşlığı və təşkilatda iştirakını qeyri-müəyyən müddətə dayandırmaq barədə qərar çıxarıb.
Milli Məclis və XİN kimlərə dəvət göndərib: Azərbaycan Xarici İşlər Nazirliyi 7 beynəlxalq təşkilata dəvət göndərib.
- Avropada Təhlükəsizlik və Əməkdaşlıq Təşkilatının (ATƏT) Demokratik Təsisatlar və İnsan Haqları Bürosu (DTİHB)
- Müstəqil Dövlətlər Birliyi (MDB)
- İslam Əməkdaşlıq Təşkilatı (İƏT)
- GUAM,
- Qoşulmama Hərəkatı Gənclər Təşkilatı,
- Şanxay Əməkdaşlıq Təşkilatı (ŞƏT)
- Türk Dövlətləri Təşkilatıdır (TDT).
Milli Məclis isə 13 beynəlxalq təşkilata dəvət göndərib:
- АТӘТ РА,
- MDB PA,
- TÜRKPA,
- İslam Əməkdaşlığı Təşkilatı Parlament İttifaqı (İƏT Pİ),
- Qara Dəniz İqtisadi Əməkdaşlıq Təşkilatı Parlament Məclisi (QDİƏTPM),
- GUAM PA,
- Asiya Parlament Assambleyası (APA),
- Pan-Afrika Parlamenti, İqtisadi Əməkdaşlıq Təşkilatının Parlament Assambleyası (İƏT PA),
- Cənub-Şərqi Asiya Dövlətləri Assosiasiyasının Parlamentlərarası Assambleyası (AIPA),
- Ərəb Parlamenti,
- Beynəlxalq Parlamentarilər Konqresi (IPC),
- Asiya Siyasi Partiyaları Beynəlxalq Konfransı (ICAPP).
Nə baş verib: İlham Əliyev ikinci dəfə parlamenti buraxıb. Bu ilin 1 sentyabrına növbədənkənar parlament seçkiləri təyin edib.
