YAP icra katibinin müavini Siyavuş Novruzov “Yeni Müsavat”a prezident seçkilərinin vaxtının dəyişdirilməsi ilə bağlı müsahibə verib. Müsahibənin vacib bildiyimiz 5 hissəsini paylaşırıq.
• (Seçki vaxtının dəyişdirilməsi – red.) gözlənilməz olmadı. Əvvəlki müsahibələrimdə də bildirmişdim ki, biz seçkiyə tam hazırıq. Lap günü bu gün də seçki keçirilsə, Yeni Azərbaycan Partiyası tam şəkildə hazırdır. Biz keçən il konfransları keçirtdik, yekunlaşdırdıq. Yəni artıq namizədliyin irəli sürülməsi üçün bizim nümayəndələr hazırdır.
• …bağışlamaq Allaha və cənab prezidentə məxsusdur. O baxımdan bu iki böyük bayramda, həm dövlətçiliyə xidmət edən bayramda, həm cəmiyyətimiz üçün vacib olan, dövlətçilik ənənələrini möhkəmləndirən proseslərdə bir belə hadisənin olması çox gözəl olardı.
• Keçən seçkilərdə deyirdilər ki, İlqar Məmmədov ona görə tutulub ki, o, prezidentliyə ən real namizəddir. İlqar Məmmədov bir bələdiyyəyə seçilə bilməz, qaldı ki, prezident. Yəni istifadə edirlər. Bu bəhanələrin qarşısını almaq üçün təklif etdim ki, amnistiya hamıya tətbiq olunsun!
• Ordakı (Rusiyadakı – red.) seçkilərlə heç bir əlaqəsi yoxdur. Hakimiyyətin mənbəyi xalqdır. Azərbaycan xalqı seçir, xalq mövqeyini bildirir.
• Prezidentin namizədliyi ilə onun partiyası bilavasitə məşğul olur. Biz bilirdik ki, nəyi, nə vaxt, necə etmək lazımdır. İndi hər şey mətbuat üçün deyil, başa düşürsünüz…
