Fərman Ceyranlı 6 il azadlıqdan məhrum edildi

Azərbaycanlı sahibkar, “Lancet” klinikasının təsisçisi Fərman Ceyranlıya bu gün Gürcüstanda hökm oxunub. Tbilisi şəhər məhkəməsi həkimi 6 il azadlıqdan məhrum edib. Sahibkar Gürcüstan Cinayət Məcəlləsinin 180 və 247-ci maddəsi, yəni dələduzluq, insan həyatına və sağlamlığına təhlükə yaradan məlumatın gizlədilməsi ilə təqsirli bilinib.

Məhkəmədə sifarişlə həbs olunduğunu deyən Fərman Ceyranlının müdafiə tərəfi apellyasiya şikayəti verəcəyini bildirib.
Onun vəkilləri bildirib ki, F.Ceyranlı istintaqın təqdim etdiyi kimi, klinikanın direktoru yox, təsisçisidir. Həkimin hərəkətinə görə təsisçi məsuliyyət daşımır.