Fələstin İsraillə üçüncü tərəfin təşkil edəcəyi birbaşa danışıqlara hazır olduğunu bildirib. APA xəbər verir ki, bunu Fələstin XİN rəhbəri Riyad əl Maliki deyib. O vurğulayıb ki, Moskva və ya Soçi bunun üçün neytral meydança ola bilər.
“Hesab etmirəm ki, bu cür danışıqlar Qüdsdə keçirilməlidir”, – deyə diplomat bildirib.
Riyad əl Maliki İsrail tərəfinə qeyd olunan variant üzərində düşünməyə və təklifi müsbət qəbul etməyə çağırıb.
Bundan əvvəl Fələstin liderinin xarici siyasət məsələləri üzrə müşaviri Nabil Şaas bildirib ki, Fələstin xarici tərəfdarlarla İsraillə münaqişənin nizamlanmasının yeni çoxtərəfli formatın yaradılması üzərində çalışır.
