Nardaran işi üzrə həbdsə olan Taleh Bağırzadə barəsində yeni başlanılan cinayət işi üzrə məhkəmə iclası fevralın 13-də tamamlanıb. “Müsəlman Birliyi” hərəkatının sədrinin həbs müddəti 5 ay uzadılıb.
Meydan TV xəbər verir ki, hakim Rufan Mürsəlovun sədrlik etdiyi iclasda T.Bağızadə son sözlə çıxış edərək ittihamın saxta olduğunu deyib.
T.Bağırzadə bu dəfə CM-nin 317-2.1 (cəzaçəkmə müəssisəsi və ya istintaq təcridxanasında saxlanılan şəxsin qadağan olunmuş əşya hazırlaması, daşınması və ya istifadəsi) maddəsi ilə təqsirli bilinib.
Yeni hökmə əsasən, T.Bağırzadənin 20 illik cəzasından qalmış 17 il 9 ay 13 gün yeni cəza ilə birləşdirilib və ona 18 il həbs verilib.
İttihama görə, ötən il iyulun 31-də Qobustan həbsxanasında ilahiyyatçının üzərindən yeddi ədəd “microSD” tipli yaddaş kartları aşkar edilib.
T.Bağırzadə 2015-ci il noyabrın 26-da Baş Mütəşəkkil Cinayətkarlıqla Mübarizə İdarəsinin Bakının Nardaran qəsəbəsində keçirdiyi əməliyyatda həbs olunub. İkisi polis olmaqla, altı nəfərin həlak olduğu həmin əməliyyat nəticəsində ilahiyyatçı ilə yanaşı, daha 16 nəfər saxlanılıb.
Məhkəmənin qərarı ilə Taleh Bağırzadə 20 il azadlıqdan məhrum edilib.
