Aprel ayında baş tutacaq növbədəkənar prezident sçekiləri ərəfəsində daha iki qurum hazırkı prezident İlham Əliyevin namizədliyini dəstəklədiklərini bəyan ediblər. Bu barədə Ağsaqqallar Şurasının iclasında qərar qəbul olunub.
APA-nın məlumatına görə, Ağsaqqallar Şurasının sədri Fəttah Heydərov dövlət başçısı İlham Əliyevin qarşıdakı seçkilərdə prezidentliyə namizədliyinin Şura tərəfindən dəstəklədiyini vurğulayıb.
Daha bir toplantı isə Azərbaycan Milli Elmlər Akademiyasında (AMEA) keçirilib. Toplantıda çıxış edən akademiklər İlham Əliyevin namizədliyini dəstəklədiklərini açıqlayıblar.
Sonda İlham Əliyevin namizədliyinin dəstəklənməsi haqqında AMEA kollektivinin bəyanatı səsləndirilib. Bəyanatda qeyd olunub ki, elm adamları 2018-ci il aprelin 11-də keçiriləcək prezident seçkilərində yekdilliklə İlham Əliyevə səs verəcəklər.
