Həbsdə olan araşdırmaçı jurnalist Əfqan Muxtarlı Andrey Saxarov adına “Jurnalist mərdliyinə görə” mükafatının qalibi olub.
Mükafatı jurnalistin dostu bəstəkar Elmir Mirzəyev qəbul edib.
Meydan TV-ə danışan Elmir Mirzəyev deyib ki, mükafatı müxtəlif ölkədən olan təzyiqə məruz qalmış azad jurnalistlərə veriblər. Azərbaycandan isə qalib Əfqan Muxtarlı olub. Muxtarlıya “Mərdliyinə görə” Saxarov ordeni təqdim olunub.
Orden 2001-ci ildə hüquq müdafiəçisi və sahibkar Petr Vins tərəfindən Moskvada təsis edilib.
- Əfqan Muxtarlı bundan əvvəl Avropa İttifaqının “Pavel Şeremet” jurnalist mükafatı verilmişdi.
Gürcüstanda yaşayan araşdırmaçı jurnalist Əfqan Muxtarlı 2017-ci il mayın 29-u Tbilisidən oğurlanaraq Azərbaycana gətirilib və həbs edilib. - Jurnalist Cinayət Məcəlləsinin Hakimiyyət nümayəndəsinə xidməti vəzifələrini yerinə yetirərkən ona qarşı həyat və sağlamlıq üçün təhlükəli olan zor tətbiq etmə (315.2), dövlət sərhədini müəyyən edilmiş sənədlər olmadan və ya dövlət sərhədinin nəzarət-buraxılış məntəqələrindən kənarda keçmə (318.1) və qaçaqmalçılıq (206.1) maddələri ilə ittiham irəli sürülüb.
- 2017-ci il dekabrın 12-də Balakən rayon məhkəməsinin qərarı ilə Əfqan Muxtarlı 6 il müddətinə azadlıqdan məhrum edilib.
- Beynəlxalq hüquq müdafiə təşkilatları Əfqan Muxtarlını siyasi məhbus kimi tanıyır.
