Baş prokurorluq seçki şikayətlərinə baxacaq İşçi Qrup yaradır

Baş prokuror Zakir Qaralov prezident seçkiləri ilə bağlı İşçi Qrupun yaradılması haqqında sərəncam imzalayıb. Bunu baş prokurorun birinci müavini Rüstəm Usubov deyib.

APA-nın məlumatına görə, Mərkəzi Seçki Komissiyasının (MSK) dairə seçki komissiyalarının sədrləri üçün təşkil etdiyi seminar-müşavirədə çıxış edən R.Usubov deyib ki, İşçi Qrup seçki ilə bağlı şikayətlərə baxacaq: “Qrupa mən rəhbər təyin edilmişəm. İnşallah, seçki prosesi qanun pozuntularına yol verilmədən keçiriləcək”.