“2008-ci ildə 500 seçki məntəqəsində veb-kameralar quraşdırıldı. Təəssüf ki, veb-kameraların quraşdırılmasını seçicilərin iradəsinə təzyiq kimi qiymətləndirən qüvvələr də oldu”.
Bunu prezidentin ərazi-təşkilat məsələləri üzrə köməkçisi – şöbə müdiri Zeynal Nağdəliyev deyib. Əlavə edib ki, “Artıq iki seçkini məntəqələrdə 1000 veb-kameranın tətbiq olunması ilə keçirmişik. Səslərin hesablanması zamanı kameralar həmin yerə tuşlanır. Seçkiləri elə yüksək səviyyədə keçirməliyik ki, beynəlxalq aləmdə də yüksək səviyyədə qiymətləndirilsin”.
APA yazır ki, Z. Nağdəliyev yerli icra hakimiyyəti orqanlarına təbliğat-təşviqat tədbirlərinin keçirilməsi üçün yerlərin müəyyən edilməsi və siyahıların mətbuatda dərc edilməsi üçün tapşırıqların verildiyini deyib.
