Azərbaycandan bu il Həcc ziyarətinə getmək üçün sənəd verən zəvvarlardan sonradan ziyarətdən imtina edəcəkləri halda ödənişlərin geri qaytarılması ilə bağlı şərtlər açıqlanıb. Qafqaz Müsəlmanları İdarəsindən APA-ya bildirilən şərtlərə görə:
Ziyarətin başlanmasına ən azı 90 gün qalmış imtina ilə bağlı müraciət edənlərə ödənişlərinin tam məbləği qaytarılacaq;
Ziyarətin başlanmasına 60 gün qalmış imtina ilə bağlı müraciət edənlərə ödənişin 50 faizi qaytarılacaq;
Ziyarətin başlanmasına 30 gün qalmış imtina müraciəti edənlərə ödənişin 25 faizi qaytarılacaq;
Ziyarətin başlanmasına 30 gündən az qalmış imtina ilə bağlı müraciət edənlərə isə ödənilən məbləğdən heç bir vəsait geri qaytarılmayacaq.
- Azərbaycanda Həcc ziyarətinin qiyməti 4150 dollardır.
- Azərbaycanda Həccə sənəd qəbulunu rəsmi olaraq QMİ həyata keçirir.
