Milli Strateji Düşüncə Mərkəzinin sədri, Müsavat Partiyasının keçmiş başqanı İsa Qəmbər Mərkəzi Klinik Xəstəxanaya gedib. Sabiq başqan xəstəxanaya bu gün müayinəsini davam etdirmək üçün gedib. Azadlıq Radiosunun məlumatına görə, İsa Qəmbər özünü yaxşı hiss edir.
Partiyanın mətbuat xidmətinin yaydığı məlumatda da bildirilir ki, Mərkəzi Klinik Xəstəxananın həkimləri İsa Qəmbərin bir neçə gün burada qalması və ürək-damar sisteminin gücləndirilməsi ilə bağlı tibbi prosedurlardan keçməsini tövsiyə ediblər.
- Yanvarın 13-də İ.Qəmbərin səhhətində problem yaranmışdı. Onu həmin gün Mərkəzi Klinik Xəstəxanaya yerləşdirmişdilər.
- Müayinələrdən sonra İ.Qəmbərin ürəyinə stent qoyulmuşdu.
- Milli Strateji Düşüncə Mərkəzinin sədri yanvarın 18-də müalicə olunduğu xəstəxanadan evə buraxılmışdı.
