Mərkəzi Seçki Komissiyası növbədənkənar prezident seçkilərində ödənişsiz efir vaxtı ayıracaq media orqanlarının siyahısını açıqlayıb. MSK-nın yaydığı məlumata görə, qeydə alınan namizədlər aşağıdakı kütləvi informasiya vasitələrində seçkiqabağı təşviqat aparmaq üçün ödənişsiz efirdən istifadə edə bilər:
-İctimai Televiziya və Radio Yayımları Şirkəti;
-“Azərbaycan” qəzeti;
-”Xalq qəzeti”;
-“Bakinski raboçi” qəzeti.
Qurumdan bildirilib ki, əgər adı çəkilən KİV redaksiyaları seçkiqabağı təşviqat üçün ödənişli efir vaxtı və yaxud dərc üçün yer ayırmaq istəsə, bu barədə MSK-ya müvafiq bildirişlər göndərməlidir. Efir vaxtının verilməsinə və dərc üçün yerin ayrılmasına görə ödənişin əsasları, şərtləri və məbləği barəsində məlumatları prezident seçkilərinin təyin edilməsi haqqında qərarın rəsmi dərc olunmasından sonra ən geci 30 gün keçənədək dərc etməlidirlər.
