Fevralın 27-də Bakı Ağır Cinayətlər Məhkəməsində “Müsəlman Birliyi” Hərəkatının həbsdə olan koordinatoru Əhsən Nuruzadənin növbəti məhkəmə iclası keçirilib.
Hakim Səbuhi Hüseynovun sədrlik etdiyi iclasda prokuror çıxış edib və Ə.Nuruzadənin 8 il müddətinə azadlıqdan məhrum edilməsini istəyib. Vəkil Fariz Namazlı çıxış üçün vaxt istəyib. Proses martın 6-da davam edəcək.
- Əhsən Nuruzadə ötən il oktyabrın 6-da DİN-in Baş Mütəşəkkil Cinayətkarlıqla Mübarizə İdarəsinin əməkdaşları tərəfindən həbs olunub.
- Ona CM-nin 234.4.3 (satış məqsədi ilə külli miqdarda narkotik əldə etmə, saxlama) maddəsi ilə ittiham verilib. Onun üzərindən 14.775 qram heroin tapıldığı iddia olunur.
- Dindar fəal ittihamı rədd edirək narkotiki cibinə idarədə polislərin atdığını bildirib. Deyir ki, həmin idarənin əməkdaşları bundan öncə onu iki dəfə həbs edərək, Taleh Bağırzadənin müdafiəsindən və “Müsəlman Birliyi” Hərəkatından uzaqlaşmağı tələb ediblər, əks halda, uzunmüddətli həbsə göndəriləcəyi haqda xəbərdarlıq ediblər.
