Bakı Apellyasiya Məhkəməsi keçmiş Milli Təhlükəsizlik Nazirliyinin şöbə rəisi Vüsal Ələkbərovun həbs cəzasını 12 ildən 5 ilə endirib. Bu gün hakim Qədim Babayevin sədrliyi ilə keçirilən prosesdə keçmiş MTN-nin İstintaq Baş İdarəsinin İbtidai istintaq idarəsinin 2-ci şöbəsinin rəisi Vüsal Ələkbərovun işinə baxılıb.
“Report”un xəbərinə görə, zərərçəkmişlərin apellasiya şikayəti təmin edilməyib.
Vüsal Ələkbərov Cinayət Məcəlləsinin aşağıdakı maddələri ilə ittiham edilir.
- 182.3.1, 182.3.2-ci (mütəşəkkil dəstə tərəfindən, külli miqdarda əmlak əldə etmək məqsədi ilə hədə-qorxu gəlmə)
294.3-cü (sübutları saxtalaşdırma, ağır və ya xüsusilə ağır cinayətlər haqqında cinayət işi üzrə sübutları saxtalaşdırma, habelə digər işlər üzrə sübutların saxtalaşdırılması ağır nəticələrə səbəb olma) - 311.3.1, 311.3.2, 311.3.3, 311.3.4-cü (qabaqcadan əlbir olan bir qrup şəxs və ya mütəşəkkil dəstə tərəfindən, təkrar, külli miqdarda, hədə-qorxu tətbiq olunmaqla rüşvət alma)
- 341.2.1 və 341.2.3-cü (bir qrup şəxs tərəfindən, ağır nəticələrə səbəb olmaqla hakimiyyətdən sui-istifadə etmə, hakimiyyət həddini aşma və ya hakimiyyətdən istifadə etməmə) maddələri ilə ittiham edilir.
- Bakı Hərbi Məhkəməsinin hökmü ilə ona və ailəsinə məxsus, ümumi dəyəri 1 milyon 277 min manat olan əmlakın müsadirə edilib. Məhkəmə həmin əmlakın zərərçəkmiş iş adamı Akif Qurbanova verilməsi barədə qərar qəbul edilib.
