Prezident İlham Əliyev Sabirabad rayonunun Sarxanbəyli, Moranlı, Bala Həşimxanlı, Əlilənbəyli kəndlərinin əkin sahələrinin su təminatının yaxşılaşdırılması ilə bağlı sərəncam imzalayıb. Sərəncama əsasən bu məqsədlə Meliorasiya və Su Təsərrüfatı Açıq Səhmdar Cəmiyyətinə 22 milyon 358 min manat ayrılıb.
Sənəddə əkin sahələrinin su təminatının yaxşılaşdırılması üçün Kür çayının “H” kanalının yenidən qurulması layihəsi çərçivəsində tikinti işlərinin başa çatdırılması və daha 7551 hektar əkin sahəsinin suvarma suyu ilə təmin edilməsi nəzərdə tutulub.
