Media eksperti Ələsgər Məmmədli ötən gün Milli Televiziya və Radio Şurasının “REAL TV”yə lisenziya verməyini şərh edib və bildirib ki, şuranın qərarı lisenziya verilməsi prinsiplərini pozub. Onun sözlərinə görə, MTRŞ-ın rəsmi saytında da yer alan sənəddə göstərilir ki, lisenziya üçün müraciət edən şirkət ən azı bir illik maliyyə ilini geridə qoymalıdır. Halbuki MTRŞ-ın yayım üçün lisenziya verdiyi “Real Təhlil İnformasiya Mərkəzi” Məhdud Məsuliyyətli Cəmiyyətinin 12 gün öncə yaradılıb.
Hüquqşünas lisenziya verilməsi barədə qərarın pozduğu digər şərtləri də açıqlayıb.
“Teleradio Yayımı haqqında” Qanunun 15-ci maddəsi yayım lisenziyanın (qeyd- burada tezliklə yayılan şərti yoxdur, yayımın bütün formaları nəzərdə tutulur) hökmən müsabiqə qaydasında verilməli olduğunu bildirir. Dövlət və ictimai yayım istisnadır.
Müsabiqə isə azı 1 ay öncədən rəsmi mətbuatda elan edilməli, iclasların vaxtı azı 5 gün öncədən reqlamentə uyğun olaraq müəyyən edilməlidir.
Qərar 15 gün ərzində verilməlidir, yəni azı 50 günlük bir müddət şərti var.
Qeyd hissəsində də göstərilir ki, sənədlərdən hər hansı biri çatışmadığı halda ərizəyə baxılmayacaq.
“Milli Televiziya və Radio Şurası 26 illik televiziyanı ildırım sürəti ilə hüququ heçə sayaraq bağladığı kimi, 12 günlük şirkətə də ildırım sürəti ilə TV lisenziya verə bilir” – deyə Ələsgər Məmmədli vurğulayıb.
https://www.facebook.com/elesger/posts/10156167368864738
