Bütöv Azərbaycan Xalq Cəbhəsi Partiyası, Milli Məclisin deputatı Qüdrət Həsənquliyev bu günkü plenar iclasda Milli Şuranın 10 mart mitinqinə icazə verilməsini tənqid edib. Qafqazinfo xəbər verir ki, deputat Bakı Şəhər İcra Hakimiyyətinin bu qərarı qanunvericiliyə zidd olduğunu deyib.
Ölkədə martın 19-dan sonra təbliğat kampaniyasına start verilir. Ancaq Milli Şura martın 10-da mitinq keçirəcək. Bu seçki qanunvericiliyinin kobud şəkildə pozulmasıdır.
O qeyd edib ki, bu məsələyə görə Bakı şəhər İcra hakimiyyətindən izahat tələb edirik:
Məndə olan məlumata görə, mitinq sanksiyalaşdırılıb. Bu qanunvericiliyin kobud şəkildə pozulmasıdır. Niyə mitinq keçirməyə icazə verirlər? Öz çıxışlarında qanunların aliliyini istəyən şəxslər özü qanunun tələblərinə əməl etməlidir.
