ABŞ prezidenti Donald Trump Qüds şəhərində ABŞ səfirliyinin açılışına qatıla bilər. Açılışın may ayında baş tutacağı gözlənilir.
CNN-in yaydığı məlumata görə, prezident bunu İsrailin baş naziri Benyamin Netanyahu ilə Ağ evdə keçirdiyi görüşdə deyib.
“Bilirsiz ki, artıq tikinti başlayıb. Mənim açılışa gəlməyimi müzakirə edirik, alınsa, gələcəm” – deyə Trump əlavə edib.
Trump administarsiyası prezidentin ötən ilin dekabrında Qüdsü İsrailin paytaxtı kimi tanıdığını bəyan edəndən sonra bu ölkədə olan səfirliyini Təl-Əvivdən Qüdsə köçürməyə başlayıb. İlk olaraq administrasiya Qüdsdə tezliklə səfirliyin açıla bilməyəcyini və bunun bir neçə ilə başa gələcəyini açıqlasa da Trumpun Netanyahu ilə görüşündə məlum olub ki, səfirliyin açılması tezləşə bilər.
