Əfv Komissiyasının üzvü Əliməmməd Nuriyev Azərbaycanda Norvuz bayramı ərəfəsində gözlənilən əfv sərəncamandan danışıb. O, BBC Azərbaycancaya bildirib ki, Prezident yanında Əfv Komissiyasının iclasları davam edir, amma ola bilsin ki, bu iclaslar heç Novruz bayramına kimi yekunlaşmasın və əfv siyahısı hazırlanmasın.
Bu günə kimi komissiyada yüzlərlə müraciətlə baxılıb və bu prosess hələ də davam edir. Hər bir müraciət diqqətlə araşdırılmalıdır və Əfv Komissiyası bu məsuliyyəti yaxşı başa düşür. əfvin vaxtını müəyyən etmək və kimlərin bağışlanması prezidentin səlahiyyətindədir və yalnız onun iradəsindən asılıdır. Ola bilər ki, Cümhuriyyət bayramı ərəfəsində biz əfv sərəncamı imzalanmasının şahidi olduq.
Komissiyanın digər üzvü Rəşad Məcidov da siyahının Novruz Bayramına qədər hazır olmayacağını deyib.
“Çox müraciətlər var, indiyə kimi beşdən artıq iclas keçirilib, təxminən 700-ə kimi işə baxılıb, amma Novruz Bayramına güman ki, çatmayacaq. Bu il müraciətlərin sayı çox olduğundan komissiya qərara alıb ki, “yaxşı olardı ki” əfv may ayında olsun” – deyə komissiya üzvü əlavə edib.
2017-ci ilin martın 16-da, Novruz bayramı ərəfəsində prezident İlham Əliyev əfv sərəncamı imzalayıb və bir neçə siyasi məhbus azadlığa buraxılıb.
