Bir ilə yaxındır Türkiyədə fəaliyyəti qadağan olunan Wikipedia açıq ensiklopediyası rəsmi Facebook səhifəsində bu ölkə ilə bağlı paylaşım edib. “Türkiyə üçün darıxırıq” heşteqi ilə edilən paylaşımda türkiyəli illustrator İdil Keysanın hazırladığı poster də yer alıb.
Paylaşımda İdil Keysanın poster üçün yazdığı açıqlama da yer alıb:
Türkcə Wikipediada təxminən 300 min məqalə var. Bu da o deməkdir ki, Türkiyədə çoxlu könüllü var. Bizə öz dilimizdə biliklər öyrənməyə imkan yaradan insanlar mənim ilham mənbəyim oldu. Bununla yanaşı mənim ilham mənbəyim həm də Türk mədəniyyəti və irsinin müxtəlifliyi haqqında bütün dünyanı məlumatlandıran könüllülərdir.
Türkiyədə Wikipedia açıq ensiklopediyası 2017-ci ilin aprelində qadağan olunub. “İnformasiya Texnologiyalar və Rabitə Şurası” Qanununa əsasən bağlanan Wikipedia terrora dəstək verməkdə ittiham olunub.
https://www.facebook.com/wikipedia/photos/a.10151957291753346.1073741826.33138223345/10156029100328346/?type=3&theater
