Niderland Krallığının Rotterdam şəhərində KIFF Beynəlxaq Film Festivalında nümayiş olunacaq “Bir ailənin faciəsi” filmi 2007-ci ildə həbs olunan və həbsxanada müəmmalı şəkildə dünyasını dəyişən “Tolışi Sedo” qəzetinin təsisçisi və baş redaktoru Novruzəli Məmmədov haqqındadır. Film İsveçrədə mühacir həyatı yaşayan rejissor-dokumentalist Laçın Məmişov tərəfindən lentə alınıb.
Filmin müəllifi Turan-a deyib ki, ümumi xronometrajı 50 dəqiqə olan film hələlik ingilis dilinə tərcümə olunsa da yaxın zamanlarda rus və alman dillərinə də tərcümə olunması nəzərdə tutulub.
Foto: mikroskop media
Bu “Mühacirlər” layihəsi çərçivəsində çəkilən dördüncü filmdir və 2018-ci ilin yanvar ayında tamamlanıb. KIFF Beynəlxalq Film Festivalında filmin ilk premyerası olacaq. Bundan əlavə film bir neçə beynəlxalq film festivallarına təqdim olunub və müsbət cavab alınıb.
Foto: screenshot
Novruzəli Məmmədovun həbsindən sonra onun oğlu Kamran Məmmədov naməlum şəxslər tərəfindən vəhçicəsinə döyülüb. Növbəti gün Kamran dünyasını dəyişib. Ailənin ikinci oğlu Emil Məmmədov atasının 40 mərasimindən Bakıya qayıdarkən Novruzəli Məmmədovun xanımı Məryəm Məmmədova ilə birlikdə avtoqəzaya düşüb. Nəticədə Emil Məmmədov və Məryəm Məmmədova ağır xəsarətlər alaraq xəstəxanaya yerləşdirilib. Bir müddət sonra Kamran Məmmədov Moskvaya müalicə üçün aparılsa da xəstəxanada dünyasını dəyib. Ailənin yeganə sağ qalan üzvü, Novruzəli Məmmədovun xanımı Məryəm Məmmədova ölkəni tərk edərək Niderland Krallığında siyasi sığınacaq istəmək məcburiyyətində qalıb. Hazırda Niderland Krallığının Haaqa şəhərində yaşayır.
Müəllif deyir ki, filmin çəkilişi haqqında məlumat ilk dəfə yayılanda ölkə ictimaəti tərəfindən birmənalı qarşılanmadığı kimi, film də birmənalı qarşılanmayacaq.
Bizim ölkədə qəribə yanaşma var. Bəzi “millətçilər”deyir ki, “niyə Novruzəli Məmmədov haqqında film çəkirsən?” – Yəni TMR (Talış Muğan Respublikası) məsələsinə eyham vururlar. Bəzi “ura patriot” talışlar da deyir ki, “bizim hüquqlarımızı pozurlar, diskriminasiyaya məruz qalırıq”. Amma hamısı əsas problemi anlamırlar ki, Azərbaycancanda TMR problemi talışlardan çox hakimiyyətə lazım idi və ümumiyyətlə Novruzəli Məmmmədovun TMR məsələsinə heç bir aidiyyatı olmayıb. Əksinə Novruzəli Məmmədov hakimiyyətə həmişə loyal münasibət bəsləyib. Onun rəhbərlik etdiyi “Talış Mədəniyyət Mərkəzi” Heydər Əliyevin şəxsi göstərişi ilə yaradılıb. O ki, qaldı hüquqların pozulması və ya diskrimminasiyan məsələsinə, Azərbaycanda vətəndaşların hüququ milli kimliyinə görə yox, ümumiyyətlə vətəndaşların heç bir hüququ olmadığı üçün pozulur. Konstitusiyanın 1-ci maddəsi sadəcə dekorosiya üçündür.
Müəllif “Mühacirlər” layihəsi çərçivəsində çəkilən hər film öz peşə fəaliyyətini yerinə yetirərkən həlak olan jurnalistlərin xatirəsinə həsr edir.
Layihənin ilk filmini Elmar Hüseynovun, ikinci II hissəli “Kəlbəcər düyünü” və Böyük Oyun” filmləri Milli qəhrəman Çingiz Mustafayevin və ən nəhayəti “Bir ailənin faciəsi” filmi isə Milli qəhrəman Salatın Əsgərovanın xatirəsinə həsr edilib.
Müəllifin çəkdiyi filmlər əsasən Avropa və Qərb auditoriyası üçün nəzərdə tutulub.
