Təxminən 1 ay sonra baş tutacaq növbədəkənar prezident seçkiləri üçün namizədlərin qeydə alınması prosesi davam edir. Mərkəzi Seçki Komissiyasının bu gün keçirilən iclasında isə daha 3 nəfərin namizədliyi qeydə alınıb.
APA-nın məluamtına görə, onlar Milli Dirçəliş Hərəkatı Partiyası tərəfindən namizədliyi irəli sürülmüş Fərəc Quliyev, Müasir Müsavat Partiyası tərəfindən namizədliyi irəli sürülmüş Hafiz Hacıyev və “Cəbhəçilərin təşəbbüs qrupu” adlı təşəbbüs qrupunun namizədliyini irəli sürdüyü Razi Nurullayevin prezidentliyə namizədliyi qeydə alınıb.
Bununla da qeydə alınmış namizədlərin sayı 7-ə çatıb. Belə ki, MSK bundan əvvəl Yeni Azərbaycan Partiyasının namizədi İlham Əliyev, öz təşəbbüsü ilə namizədliyi irəli sürülmüş Zahid Oruc, Azərbaycan Sosial Demokrat Partiyasının namizədi Araz Əlizadə və Bütöv Azərbaycan Xalq Cəbhəsi Partiyasının namizədi Qüdrət Həsənquliyevin namizədliyini qeydə alıb.
