Biz bu meydana gəlməyə bilməzdik. Həbs olunana qədər mitinqlərin əsas təşkilatçısı olmuş, Azərbaycanın mərd, mübariz xanım siyasətçisi, dönməzlik simvolu Gözəl Bayramlıya azadlıq demək üçün buradayıq.
Mitinqqabağı sizi narahat eləmək istəmirik. İki məqsəldə. Birincisi, istəmirik ki, mitinqqabağı təzyiqlər mitinqin özünə hazırlığı gündəmdə arxa plana keçirsin. İkincisi mitinqqabağı təzyiqlər haqqında ona görə məlumat vermirik ki, siz narahat olmayasınız.
Bu saata qədər saxlanılmış, hədələnmiş 80 nəfər partiya funksioneri var. Onlardan 7 nəfər haqqında inzibati həbs cəzası verilib. Onların 3-ü mitinq komitəsinin üzvüdür. Müsavat Partiyasının onlarla funksionerini polisə aparıb təzyiq ediblər.
İlham Əliyev bir az da üzümüzü yumşaq görsə, ömürlük hakimiyyətdə olmaq istəyəcək.
100 il bundan öncə şərqin ilk cümhuriyyətini qurmuş Azərbaycan xalqı bir ailənin 45 ildir onu idarə etməsini özünə təhqir hesab edir.
Son 3 il ərzində 2 dəfə yarım kasıblaşdırmısız bu milləti. Onun sərvətlərinə əl qoymusuz, sərvətlərini ölkıdən daşımısız.
Biz bu mitinqimizdə həm də korrupsiyaya yox deyirik, talana son deyirik, çünki o talan olunan sərvət bizimdir, millətindir, oğurlanan sərvət bizimdir, millətindir.
Hər zaman rejimdən qidalanıb sizin bu fədakarlığınızı kiçiltmiş olanlar olacaq. Siz onlara fikir verməyin.
