Yevlaxda şagirdləri daşıyan avtobusun qəzaya uğraması nəticəsində ilkin məlumata görə, 19 nəfər xəsarət alıb. Sınaq imtahanına gedən şagirdlərin olduğu “Vito” markalı mikroavtobus toxuculuq müəssisəsi yaxınlığında “QAZ-53” markalı avomobillə toqquşub.
“Report”un xəbərinə görə, avtobusdakılar 2003-cüil təvəllüdlü şagirdlərdir.
Hadisə zamanı xəsarət alanların bir qismi Yevlax Rayon Mərkəzi Xəstəxanasına, 5 yaralı isə Mingəçevir Şəhər Mərkəzi Xəstəxanasına çatdırılıb. Yüngül xəsarət alan 8 nəfər evə buraxılıb. Arasında müəllimlərin də olduğu yaralılardan birinin vəziyyətinin ağır olduğu bildirilir.
Dövlət İmtahan Mərkəzinin Direktorlar Şurasının sədri Məleykə Abbaszadə baş verən hadisəyə görə, Yevlax rayonuna gedib.
