İngiltərə ötən gün 23 rus diplomatını ölkədən çıxaracağını bəyan etməsi ilə bağlı açıqlamasına Rusiya da oxşar cavab verib. Rusiyanın xarici işlər naziri Sergey Lavrov deyib ki, keçmiş rus agenti Sergey Skripal və qızının zəhərlənib öldürülməsindən sonra başlayan diplomat böhranına cavab olaraq ingilis diplomatlar tezliklə ölkədən çıxarılacaq.
NTV Türkiyə xəbər verir ki, Sergey Lavrov bu addıma mütləq cavab veriləcəyini vurğulayıb:
Bəzi ingilis diplomatlar mütləq ölkədən çıxarılacaq. Bu barədə tezliklə qərar qəbul ediləcək.
Rusiya Xarici İşlər Nazirliyinin sözcüsü Mariya Zaxarova bu gün keçirdiyi mətbuat konfransında İngiltərənin baş naziri Tereza Meyin Rusiya ilə bağlı səsləndirdiyi fikirləri “dəlilik” kimi qiymətləndirib.
Bu məsələ ilə bağlı rəsmi Londona 4 nota vermişik, amma lazım olan cavabı almamışıq. İngiltərənin bu düşmənsayağı münasibətinə mütləq cavab veriləcək.
İngiltərə rus agenti və qızının zəhərlənməsi hadisəsinin qərəzsiz araşdırılması üçün nümunələri Kimyəvi Silahların Qadağan olunması Təşkilatına göndərəcəyini bildirib.
