Slovakiyanın baş naziri Robert Fiko və onun hökuməti araşdırmaçı jurnalist Jan Kuciakın öldürülməsindən sonra istefa verib. Ölkədə yaranan böhrana görə martın 15-də istefa verən hökumətin tələbini prezident Andrej Kuska qəbul edib və onun müavini Peter Pelleqrinidən yeni hökumətin təşkilini rica edib.
Azadlıq Radiosu xəbər verir ki, hökumətin bu qərarı hazırkı koalisiyanı hakimiyyətdə saxlayacaq və erkən seçkiyə ehtiyac olmayacaq.
Fiko erkən seçkinin sabitlik gətirməyəcəyini bildirib.
Sevgilisi ilə birlikdə qətlə yetirilən jurnalist italiyan mafiyasının ölkəsindəki biznesini araşdırırdı. Onun məqaləsində italyan mafiyasının əməllərindən və mafiyanın baş nazir Robert Fiko ilə münasibətlərindən bəhs edilirdi.
