Maldiv adalarında polis etiraz aksiyası edən 139-dan çox müxalifətçini həbs edib. Onlar asayişi pozmaqda ittiham olunub.
Maldiv adaları prezidenti Abdulla Yamin 30 günlük fövqəladə vəziyyəti martın 22-ə qədər uzadıb. O, bu addımı Ali Məhkəmənin 9 müxalifət liderini azadlığa buraxılması barədə qərar çıxardığı üçün atıb.
Aksiya iştirakçıları Yaminin həbs olunmasını və prezidentin etiraz etdiyi Ali Məhkəmənin qərarının tətbiq olunmasını tələb ediblər.
Polis sözçüsü Əhməd Şifan “Reuters”ə açıqlamasında bldirib ki, cümə günü baş tutan aksiyada 141 nəfər həbs olunub, onlardan 2-i azadlığa buraxılıb.
Şahidlərin dediyinə görə, polis xüsusi maskalar geyinib və əməliyyat keçirərək bir neçə aksiya iştirakçısını həbs edib. Eyni zamanda polis aksiyanı dağıtmaq üçün bibər qazı və göz yaşardıcı qazdan istifadə edib.
Ötən həftə hakim qüvvələr etiraz aksiyalarına icazə verilməyəcəyini deyib, polis bildirib ki, onlara hökumətin devrilməsinə cəhd ediləcəyi barədə məlumat alıblar.
“Amnesty International” insan hüquqları təşkilatı isə açıqlayıb ki, Maldiv adaları hökuməti fövqəladə vəziyyətdən repressiya törətmək və 139 nəfəri həbs etmək üçün lisenziya kimi istifadə edir. Təşkilat həbs olunanların dərhal azad olunmasını tələb edib.
Hökumət 22 martda bitən fövqəladə vəziyyətin müddətini uzatmaqla bağlı hər hansı bir planın olmadığını bildirib.
