“Seçki məntəqələrində artıq 1000 veb-kamera quraşdırılıb”. Bunu MSK sədri Məzahir Pənahov “Azərbaycan Respublikası prezidentinin seçkilərində kütləvi informasiya vasitələrinin rol və vəzifələri”nə həsr edilən seminar-müşavirədə deyib. Report-un xəbərinə görə, o əlavə edib ki, səsvermə gününə bir neçə gün qalmış ölkəyə 280 beynəlxalq müşahidəçi gələcək.
Seçkiqabağı təşviqat kampaniyasının bu gün başladığını deyən M. Pənahov bu axşamdan etibarən İctimai Televiziyada namizədlərin debatının saat 22:00-da, radioda isə 19:00-da olacağını açıqlayıb.
MSK sədri həm də sosial şəbəkələrdə təhqir xarakterli paylaşım edənlərlə bağlı da mövqeyini açıqlayıb. Deyib ki, tərbiyəsiz hərəkət edən insanları sosial şəbəkələrdən təcrid etmək lazımdır.
Həmin videolara da xeyli baxış sayı olur, amma, bu, o demək deyil ki, onu dəstəkləyirlər. Çalışmalıyıq, əhalini ayıq saxlayaq ki, nəticə çıxara bilsinlər. Pis cəhət ondan ibarətdir ki, həmin məsələlərə münasibət bildirdikdə daha da populyarlaşır. Ölkənin təhlükəsizliyi önə çıxırsa, dərhal tədbir görülməlidir.
