Prezidentliyə namizəd Pavel Qrudinin bu gün keçirdiyi mətbuat konfransında martın 18-i Rusiyada keçirilən seçkiləri post-Sovet məkanında keçirilən ən çirkin seçki adlandırıb. APA xəbər verir ki, Kommunist Partiyasının prezidentliyə namizədi, Lenin adına sovxozun direktoru Qrudinin deyib ki, onlar Moskva vilayətində bir adamın bir neçə dəfə səs verdiyini müşahidə edib:
Hamıya məlumdur ki, Rusiyada prezident seçkiləri ədalətli keçmədi. Təəssüflər olsun ki, Aleksey Navalnı haqlı idi. Doğurdan da bir adam bir neçə dəfə səs verib. Belə hallara biz Moskva vilayətində rast gəldik. Aydındır ki, səslərin hesablanması ədalətli aparılmır. Biz özümümüz səsləri sayandan sonra qərar verəcəyik.
Prezidentliyə namizəd deyib ki, hakimiyyət və KİV seçki qanunvericiliyini pozub. “Bu, postsovet məkanında keçirilən ən çirkin seçkilər idi. Mən təəssüflənmirəm. Təəssüflənirəm ki, rəqiblərim, seçkini təşkil edən insanlar, hakimiyyət bu seçkidən çirkin siyasi şou düzəltdilər. Gördünüz, debatlar necə keçdi, namizədlər necə seçildi. Bu mənim günahım deyil. Olsa-olsa, bu mənim ağrımdı” – deyə Qrudinin vurğulayıb.
- Rusiya Mərkəzi Seçki Komissiyası (MSK) prezident seçkilərinin ilkin nəticələrini açıqlayıb.
- Rusiya MSK-da yaradılan İnformasiya Mərkəzinin açıqlamasına görə hazırda ölkə üzrə keçirilən səsvermədə bülletenlərin 96,18 faizi hesablanıb.
- İlkin nəticələrə görə, hazırki prezident Vladimir Putin 76,5 faiz səslə irəlidədir. İkinci yerdə isə 11,9 faiz səslə Pavel Qrudinindir.
- Vladimir Jirnovski 5,7%, Kseniya Sobçak 1,6%, Sergey Baburin, Qriqori Yavlinski, Boris Titov və Maksim Suraykin 1 faizdən az səs toplayıblar.
